Ўзбекистон Республикаси Ҳуқуқни муҳофаза қилиш академияси бухгалтерия соҳасида мутахассис вазифасига танлов эълон қилади (муддатли шартнома асосида вақтинчалик иш)

Академия ҳақида: Ўзбекистон Республикаси Президентининг  “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги 2022 йил 28 ноябрдаги ПФ–257-сонли Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академиясини ташкил этилди.

Ҳозирги вақтда Академия фаолиятига вақтинчалик асосда бухгалтерия соҳасидаги мутахассисни жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Мутахассиснинг вазифалари:

Академия раҳбариятининг топшириғи бўйича Академияда бухгалтерия хисоб китоблари бўйича хизмат кўрсатиш ҳақидаги келишувга илова қилинган бажариладиган ишлар календарь-режасига мувофиқ, қуйидаги хизматларни (кейинги ўринларда – “хизматлар”) кўрсатиш:

 - Академия ойлик иш хаки ва унга тенглаштирилган туловлар харажатларни тугри амалга оширилишини назорат килиш, маблағлар иқтисод қилиш юзасидан таклифлар ишлаб чиқиш.

- бухгалтерия UzASBO–2 дастурида ишлаш, ушбу дастурда бухгалтерия ҳисоб китоблари бўйича субсчёт проводкаларини тузиш;

- Академия учун сотиб олинган асосий воситаларни кирим қилиш, асосий воситаларга қайта баҳолаш хамда эскириш проводкаларини тузиш, асосий воситаларни далолатномага асосан чиқимини шакллантириш;

- Академиянинг бюджетдан ташқари ривожлантириш жамғармасига келиб тушган маблағларни кирим қилиш, маблағлар ҳаражати ҳисоботларини шакллантириш;

- Академия учун сотиб олинган товар-моддий бойликларини кирим қилиш, далолатномага асосан чиқимини шакллантириш;

- Академия бошқа ташкилотлар билан тузилган шартномаларни UzASBO–2 дастурига киритиш, ғазначилик органларидан рўйхатдан ўтган шартномалар бўйича дебитор – кредитор қарздорлик бўйича ҳисоботни шакллантириш;

Номзодга қўйиладиган талаблар:

- олий, тугалланмаган олий иқтисодий (махсус) маълумот ва бюджет ташкилотлари молия хўжалик соҳасида камида икки йиллик иш тажрибаси;

- бухгалтерия , бухгалтерия ҳисоб китоблари бўйича тажрибага эга бўлиш;

- бухгалтерия ҳужжатларни ишлаб чиқиш ҳамда расмийлаштиришга оид низомлар, йўриқномалар ва бошқа раҳбарий ҳужжатларни билиш;

- бухгалтерия бўйича бошқа ташкилотлар билан шартномалар тузиш тартибини билиш;

- ўзбек ва рус тилларини яхши билиш.

Бажариладиган иш муддати:

Мазкур иш муддати 6 (олти) ойга белгиланган бўлиб, келгусида заруратга кўра, фуқаро муддатли меҳнат шартномаси асосида Академияга ишга қабул қилиниши мумкин.

Тўлов миқдори:

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади, тўлов миқдори танлов натижаларига кўра уч миллиондан ўн икки миллион сўмгача.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида сифатли бажариш.

Иш вақти: Иш вақти 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати: 16.09.2024 й. (шу куни ҳам).

Манзил: Юнусобод тумани, Рихсили, 9.

Тел.: 71-202-04-96 (ички: 1440: 1443).