Прокуратура терговчилари ва Иқтисодий жиноятларга қарши курашиш департаменти ходимлари учун малака ошириш курси давом этмоқда

Ҳуқуқни муҳофаза қилиш академиясида туман (шаҳар) прокуратуралари терговчилари ҳамда Иқтисодий жиноятларга қарши курашиш департаменти туман (шаҳар) бўлимларининг тезкор ходимлари учун “Жиноий фаолиятдан олинган даромадларни легаллаштиришга ва терроризмни молиялаштиришга қарши курашишнинг долзарб масалалари” мавзусида малака ошириш курсининг масфавий қисми давом этмоқда.

Малака ошириш курси давомийлиги 144 соатдан иборат бўлиб, биринчи босқич ишдан ажралмаган ҳолда масофавий таълим ҳамда якуний босқич Академияда кундузги таълим шаклида ташкил этилган.

Курс дастуридан жиноий фаолиятдан олинган даромадларни легаллаштиришга ва терроризмни молиялаштиришга қарши курашишнинг ҳалқаро ва миллий тизими, ушбу жиноятларга қарши курашишни ташкил этиш, ноқонуний даромадларни аниқлаш бўйича молиявий тергов олиб бориш, ҳуқуқни муҳофаза қилувчи органлар ўртасида идоравий ҳамкорликни ўрнатиш, ноқонуний даромадларни аниқлаш ҳамда мусодара қилинишини таъмилашда Иқтисодий жиноятларга қарши курашиш департаменти имкониятларидан самарали фойдаланиш масалалари бўйича назарий ва амалий машғулотлар ўрин олган.