Навбатдаги масофавий малака ошириш курсига старт берилди

Ўзбекистон Республикаси Ҳуқуқни муҳофаза қилиш академиясида “Прокурорнинг ёзма нутқи ва нотиқлик санъати” мавзусида масофавий малака ошириш курси ўқув машғулотлари бошланди.

Малака ошириш курси дастуридан утқнинг прокурор нутқнинг мазмуни ва тузилиши, мантиқий асоси, техникаси, воситалари, омиллари, қоидалари, бунда аргументларни қўллаш, прокурор нутқида ёзма нутқ саводхонлиги ва маданияти, бошқа кўплаб мавзулар ўрин олган.

Малака ошириш курсида ҳам онлайн ҳам оффлайн тарзидаги ўқув машғулотлари олиб борилади.

Курснинг асосий мақсади бугунги кунда прокурорлик соҳасида фаолият юритувчи соҳа вакилларида юридик ва адабий тил меъёрларини ривожлантириш, луғавий ва услубий жиҳатларини тадбиқ этиш, улардан тўғри фойдаланиш ва иш фаолиятида қўллай олиш кўникмаларини такомиллаштиришга қаратилган.

Мазкур курс замон талабларига мос кадрларни тайёрлашга, маъмурий-хуқуқий соҳада касбий ва шахслараро муомала маданияти кўникмаларини шакллантиришга хуқуқий вазиятларга мувофиқ касб нутқидан онгли фойдаланиш малакаларини такомилаштиришга хизмат қилади.