Туркия элчихонаси вакиллари билан учрашув

23 октябрь куни Туркия элчихонаси вакиллари билан учрашув ўтказилди.

Томонлар икки мамлакат ҳуқуқни муҳофаза қилиш органлари ходимлари малакасини ошириш ва ўқитиш соҳасида ҳамкорликни назарда тутадиган ҳукуматлараро битимни амалга ошириш масалаларини муҳокама қилдилар.

Учрашувда Туркия Республикаси ИИВ Жандарма полковниги М.Женибай ва элчихонанинг Туркия Республикаси ички ишлари бўйича маслаҳатчиси Н.Бил иштирок этишди.

Туркиядаги ҳамкасблар Туркиядаги тегишли таълим муассасалари, шунингдек, Туркиянинг прокуратура органлари фаолияти ва уларнинг одил судлов тизимидаги ўрни ҳақида маълумот беришди.

Прокуратура органларини такомиллаштиришда халқаро тажрибани ўрганиш, энг яхши амалиётларни алмашиш механизмларини йўлга қўйиш муҳимлиги таъкидланди.

Конструктив мулоқот чоғида томонлар ўзаро манфаатли ҳамкорликнинг истиқболли йўналишларини муҳокама қилдилар.