Академия 2025 йилги Times Higher Education World University Rankings рейтингидан ўрин олди

Ўзбекистон Республикаси Ҳуқуқни муҳофаза қилиш академияси илк бор нуфузли Times Higher Education World University Rankings (WUR) 2025 рейтингига кирди ва “репортёр" (даъвогар) мақомини олди. Бу эътироф Академиянинг тараққиёти ва халқаро академик майдондаги обрўсининг ўсишини кўрсатади.

2025 йилги WUR рейтинги 115 давлатдан ортиқ 2 000 дан зиёд муассасаларни қамраб олган. Рейтинг

18 та мезон ва 5 та асосий йўналишлар: таълим, илмий тадқиқот муҳити, тадқиқотлар сифати, амалиёт ва халқаро ҳамкорлик бўйича университетларнинг фаолиятини баҳолайди.

Ушбу рейтингдаги эътироф Академиянинг ҳуқуқни муҳофаза қилиш соҳасидаги таълим ва тадқиқотларни ривожлантиришга, шунингдек, халқаро ҳамкорликни кенгайтириш ва илғор академик муҳитни яратишга бўлган интилишларини тасдиқлайди.

Мазкур мақом Академиянинг катта ютуқлари ва унинг келажакка мўлжалланган стратегик режаларини акс эттиради. Бу муваффақият Ўзбекистоннинг халқаро таълим соҳасидаги ўрнини янада мустаҳкамлаб, Академиянинг юридик ва ҳуқуқни муҳофаза қилиш соҳасидаги таълим ва тадқиқотларни шакллантиришдаги муҳим ролини ифодалайди.