“Жиноий даромадларни легаллаштириш ва активларни қайтаришда асосий тергов ҳаракатлари” мавзусида семинар ўтказилди

Ҳуқуқни муҳофаза қилиш академияси БМТнинг Гиёҳвандлик ва жиноятчилик бўйича бошқармаси (UNODC) ҳамда АҚШ Давлат департаментининг халқаро гиёҳвандликка қарши курашиш ва ҳуқуқни муҳофаза қилиш бюросининг (INL) Тошкентдаги бўлими билан ҳамкорликда “Жиноий даромадларни легаллаштириш ва активларни қайтаришда асосий тергов ҳаракатлари: тинтув, сўроқ қилиш, ҳибсга олиш ва конфискация” мавзусида Тошкентда миллий тренерлар учун ҳудудий семинар ташкил этилди.

Тадбирда Қозоғистон, Қирғизистон, Тожикистон, Туркманистон ҳамда Ўзбекистон Республикаси прокуратура органлари, хавфсизлик органлари ва коррупцияга қарши кураш идоралари вакиллари иштирок этдилар.

Семинар жиноий фаолиятдан олинган даромадларни легаллаштириш ва ундириш билан боғлиқ ишлар бўйича қидирув, сўроқ қилиш, ҳибсга олиш ва мусодара қилиш каби асосий тергов ҳаракатларига, жумладан, уларни режалаштириш, тайёрлаш ва амалга ошириш хусусиятларига бағишланган.

Тадбир давомида жиноий даромадларни легаллаштириш ва активларни қайтариш билан боғлиқ ишлар бўйича таъминловчи чоралар ва халқаро ҳамкорлик масалалари муҳокама қилинди.

Мазкур семинар якунлари бўйича жиноий фаолиятдан олинган даромадларни легаллаштиришни тергов қилиш ва активларни қайтариш сифатини ошириш бўйича тавсиялар ишлаб чиқиш режалаштирилган бўлиб, иштирокчилар уларни ўз фаолиятида қўллаши ва ҳамкасблари ва бошқа бўлинмалар ходимлари ўртасида тажриба алмашиши имконини беради.