Filipp Jessap танловида иштирок этиш учун Ҳуқуқни муҳофаза қилиш академияси жамоасини шакллантириш мақсадида аризалар қабул қилиниши эълон қилинади

Академия бакалавриат йўналишининг 2- ва 3-курс талабалари ҳамда магистратура тингловчилари халқаро ҳуқуқ соҳасидаги энг нуфузли танловлардан бири бўлган Jessup халқаро ҳуқуқ танловида иштирок этиш имкониятига эга. Ушбу танловда иштирок этиш орқали талабалар ўз юридик билимларини халқаро даражада синаб кўриш, ҳамда ўз малака ва билимларини глобал миқёсда намойиш этиш имкониятига эга бўладилар. Бу эса уларнинг мустақил фикрлаш, далиллар келтириш ва ҳуқуқий ҳимоя қилиш кўникмаларини янада ривожлантиришга хизмат қилади.

Jessup халқаро ҳуқуқ танлови талабалар учун ҳуқуқий билим ва мантиқий фикрлаш қобилиятларини синовдан ўтказиш, мураккаб ҳуқуқий масалаларга инновацион ечимлар таклиф этиш имконини берувчи нуфузли платформадир. Дунёнинг 90 дан ортиқ мамлакатидаги университетлар ушбу танловда фаол иштирок этиб, талабалари учун халқаро тажриба ва ҳамкорлик имкониятларини кенгайтирмоқда.

Танловда иштирок этишни истаган бакалавриат йўналишининг 2- ва 3-курс талабалари ҳамда магистратура тингловчилари жорий йилнинг 25 октябрига қадар қуйида келтирилган сўровномани тўлдиришлари зарур.

Ҳавола