Ҳуқуқни муҳофаза қилиш академиясида Council Президенти сайловига старт берилди

Талабалар кенгаши – бу Академиянинг академик ва маъмурий масалаларида талабаларнинг овози. Талабалар кенгаши талабаларнинг саволлари ва муаммоларини Академия раҳбариятига етказиш учун жавобгардир.

Жорий йилнинг 14 октябрь кунидан Академия талабалари – номзодлар томонидан Council Президенти сайловида иштирок этиш учун ўз ҳужжат ва дастурлари тақдим этилди.

Номзодлар жорий йилнинг 24 октябрь кунидан бошлаб барча талабалар ўртасида ўз дастурларини тақдимот қилиб, тарғибот - ташвиқот ишларини амалга оширмоқда.

Мазкур жараёнлар 7 кун давомида олиб борилади, сўнгра номзодлар ўртасида дебатлар ўтказилиб, уларнинг натижасига кўра 1 ноябрь куни соат 9:00 дан кечки соат 17:00 га қадар талабалар ўртасида бевосита овоз бериш жараёнлари ўтказилади.

Council Президентига Ҳуқуқни муҳофаза қилиш академиясининг номзодлари:

		Алижонов Шоҳжаҳон Шерзодбек ўғли – “Прокурорлик фаолияти“ 2-босқич талабаси, гуруҳ сардори
		Кушмаков Расулбек Тошматжонович – “Прокурорлик фаолияти“ 2-босқич талабаси, гуруҳ сардори
		Муродуллаев Темурбек Ҳамза ўғли – “Тергов фаолияти” 2-босқич талабаси, гуруҳ сардори
		Қурбонов Шахзод Ўрол ўғли – “Тергов фаолияти” 2-босқич талабаси, гуруҳ сардори
		Тохиров Баходур Шокирович “Тергов фаолияти“ 2-босқич талабаси, гуруҳ сардори

Талабалардан мазкур сайловда фаол бўлиш ҳамда муносиб номзодни қўллашни сўраб қоламиз!