Коррупцияга қарши курашиш агентлигида сайёр ўқув машғулотлари ўтказилди

Академия томонидан илмий-таълим салоҳиятини юксалтириш, фаолиятнинг асосий йўналишлари бўйича тажриба алмашишга қаратилган самарали идоралараро ҳамкорлик амалга ошириб келинмоқда.

Хусусан, 2023 йил 6 июнь куни Ўзбекистон Республикаси Ҳуқуқни муҳофаза қилиш академияси ва Коррупцияга қарши курашиш агентлиги ўртасидаги ўзаро ҳамкорлик меморандуми имзоланган. Мазкур меморандум доирасида Академиянинг коррупцияга қарши курашиш йўналишида таҳсил олаётган тингловчилари учун Коррупцияга қарши курашиш агентлигида сайёр амалий машғулотлар ўтказилди.

Ушбу тадбирлар давомида тингловчилар коррупцияга қарши курашишнинг миллий ҳуқуқий асослари ва ривожланган хорижий давлатлар тажрибалари билан танишдилар. Шунингдек, уларга коррупцияга қарши самарали курашиш усуллари бўйича назарий ва амалий билимлар берилди.

Бу каби машғулотлар ёш кадрларнинг амалий кўникмаларини ривожлантириш, уларнинг соҳадаги касбий маҳоратларини ошириш ҳамда коррупцияга қарши курашишда илғор амалий ечимларни ўзлаштиришга хизмат қилади.