ICCMCC IBA (International Criminal Court Moot) танловида иштирок этиш учун Ҳуқуқни муҳофаза қилиш академияси жамоасини шакллантириш учун аризалар қабул қилинади

Академия бакалавриат йўналишининг 2- ва 3-курс талабалари ҳамда магистратура тингловчилари халқаро ҳуқуқ соҳасидаги энг нуфузли танловлардан бири бўлган ICCMCC IBA – International Criminal Court Moot Xалқаро жиноий суд танловида иштирок этиш имкониятига эга. Ушбу танловда иштирок этиш орқали талабалар ўз юридик билимларини халқаро даражада синаб кўриш, ҳамда ўз малака ва билимларини глобал миқёсда намойиш этиш имкониятига эга бўладилар. Бу эса уларнинг мустақил фикрлаш, далиллар келтириш, ўз нуқтаи-назарини асослантириш ва ҳуқуқий ҳимоя қилиш кўникмаларини янада ривожлантиришга хизмат қилади.

ICCMCC IBA Халқаро жиноий суд танлови талабалар учун халқаро жиноят ҳуқуқи бўйича тажриба орттириш ва мантиқий фикрлаш қобилиятларини синовдан ўтказиш, халқаро жиноий суд жараёнларини ўрганиш имконини берувчи нуфузли платформадир. Дунёнинг 90 дан ортиқ мамлакатидаги университетлар ушбу танловда фаол иштирок этиб, талабалар учун халқаро тажриба ва ҳамкорлик имкониятларини кенгайтирмоқда.

Танловда иштирок этишни истаган бакалавриат йўналишининг 2- ва 3-курс талабалари ҳамда магистратура тингловчилари жорий йилнинг 13 ноябрь соат 17.00 га қадар қуйида келтирилган сўровномани тўлдиришлари зарур.

https://forms.gle/Ec1ejSprre7fx5Pn9