Коррупцияга қарши курашиш агентлиги директори билан учрашув

Жорий йил 14 ноябрь куни Коррупцияга қарши курашиш агентлиги директори Акмал Бурхановнинг Ўзбекистон Республикаси Ҳуқуқни муҳофаза қилиш академиясига ташрифи бўлиб ўтди.

Учрашув доирасида Академия раҳбарияти билан Агентлик директори Ўзбекистон Республикаси Президентининг тегишли қарори ижроси доирасида “Коррупцияга қарши курашиш виртуал академияси” электрон платформасини жорий этиш бўйича тадбирларни муҳокама қилдилар.

Шунингдек, ташриф жараёнида Агентлик директори Академияда таълим ва тадқиқот соҳасидаги фаолият билан яқиндан танишиб чиқди.

Учрашув якунида Академия билан Агентлик ўртасида амалда бўлган меморандум доирасида коррупцияга қарши курашиш соҳасидаги ўзаро ҳамкорликни янада ривожлантириш масалалари келишиб олинди.