Рақамли экспертиза соҳасида ҳамкорлик

2018 йил 30 октябрь куни Бош прокуратура Академиясида Жанубий Корея Республикасининг Бош прокуратураси рақамли тадқиқотлар бўлими ходимлари ва Корея халқаро ҳамкорлик агентлиги (KOICA) иштирокида учрашув бўлиб ўтди.

Учрашув давомида ҳуқуқни муҳофаза қилувчи органлар ходимларини малакасини оширишда ҳамкорлик, рақамли тадқиқотлардан фойдаланиш, махсус ўқув модулини жорий этиш, рақамли экспертизанинг ўқув лабораториясини яратиш масалалари муҳокама қилинди.

Иштирокчилар маълумотлар ва махсус дастурларни таҳлил қилиш методологиясини ишлаб чиқиш, далилларни таҳлил қилиш қобилиятини ошириш ва рақамли далилларни тўплаш, рўйхатга олиш ва улардан фойдаланиш соҳасида қонунчиликни такомиллаштириш бўйича таклифларни ишлаб чиқиш бўйича фикр алмашдилар.