Ўзбекистон Республикаси Ҳуқуқни муҳофаза қилиш академиясида юридик олий таълим муассасалари талабаларидан иборат таркибда шакллантирилган олтита жамоа иштирокида “Замонавий терговчи профилининг тузилиши” мавзусида муҳокама-муносабат тадбири ўтказилди.

Тадбирда талабаларнинг замонавий терговчига қўйиладиган касбий ва психологик талаблар бўйича фикр ва мулоҳазалари, бугунги кун терговчиси ҳақидаги тушунчалари атрофлича ўрганилди ҳамда мутахассис-экспертлар томонидан тегишли муносабат билдирилди.

Юридик олий таълим муассасалари томонидан келгусида дебат тадбирлари ўтказилишини давом эттиришга келишиб олинди.