Халқаро талабалар куни муносабати билан байрам тадбири ўтказилди

Ўзбекистон Республикаси Ҳуқуқни муҳофаза қилиш академиясида Халқаро талабалар куни муносабати билан “Юксак зафарларга чорла ёшлигим” шиори остида байрам тадбири ўтказилди.

Талабаларни Академия бошлиғининг биринчи ўринбосари Е.В.Коленко байрам билан табриклади ва уларнинг қатор халқаро олимпиадалар, танловлар, спорт мусобақаларида эришган муваффақиятларини санаб ўтди. Академияда бундан кейин ҳам талабаларнинг интеллектуал ва ижодий салоҳиятини юксалтириш, уларнинг таълим, илм-фан ва меҳнат фаолиятида юксак натижаларни қўлга киритиши учун барча зарур шарт-шароитларнинг яратилиши таъкидланди.

Тадбир дастурида талабаларнинг адабиёт, санъат ва шеърият соҳасидаги ижод намуналари намойиш этилди.

Тадбир давомида ўқув жараёнида юқори натижаларни қўлга киритган ва ижтимоий ҳаётда фаоллигини намоён қилган талабалар, шунингдек “Йилнинг энг билимдон талабаси", “Йилнинг энг фаол спортчи талабаси”, “Йилнинг ихтирочи-инноватор талабаси”, “Йилнинг энг фаол ижодкор талабаси”, “Йилнинг фаол тарғиботчи талабаси” номинациялари ғолиблари рағбатлантирилди.