“Гиёҳванд моддалар ноқонуний айланмасининг олдини олиш фаолиятини янада такомиллаштириш истиқболлари” илмий-амалий конференциясида иштирок этилди

Ҳуқуқни муҳофаза қилиш академияси ходимлари Ўзбекистон Республикаси Божхона институти томонидан ташкил этилган “Гиёҳванд моддалар ноқонуний айланмасининг олдини олиш фаолиятини янада такомиллаштириш истиқболлари” мавзусида республика илмий-амалий конференциясида иштирок этдилар.

Конференцияда шунингдек, Ўзбекистон Республикаси Ички ишлар вазирлиги тезкор-қидирув фаолияти департаменти, Давлат хавфсизлик хизмати академияси, Ички ишлар вазирлиги академияси, Ёшлар ишлари агентлиги, Жамоат хавфсизлиги университети ва Стратегик таҳлил ва истиқболни белгилаш олий мактаби етакчи мутахассислари ҳамда илмий ходимлари иштирок этдилар.

Тадбирда гиёҳванд моддаларнинг ноқонуний айланмасига қарши курашиш соҳасида ўзаро ҳамкорлик, синтетик гиёҳванд моддаларни тарқатиш муаммси, шунингдек гиёҳванд моддалар ноқонуний айланмасининг олдини олиш борасида идоралараро ва халқаро ҳамкорликни такомиллаштириш масалалари муҳокама қилинди.