Марказий Осиёдаги Фридрих Эберт номидаги Жамғарма биринчи марта Бош прокуратура Академиясига ташриф буюрди

1 ноябрь куни Бош прокуратура Академиясида Фридрих Эберт жамғармасининг Қозоғистон ва Ўзбекистондаги минтақавий директори Ҳенриетта Кифер ҳамда Тошкент шаҳридаги идораси директори Н.Резяпова билан учрашув ташкиллаштирилди.

Учрашув Академия ва Жамғарманинг фаолияти билан танишиш шунингдек, иккала томоннинг ўзаро манфаатларини ифода қилувчи аниқ соҳаларда ҳамкорлик қилиши истиқболларини муҳокама қилиш имкониятини берди. Хусусан, учрашув чоғида прокуратура органларининг илмий салоҳиятини ривожлантиришда самарали ҳамкорликни ўрнатиш муҳокама қилинди.

Маълумот учун: Фридрих Эберт номидаги жамғарма қадимий немис жамғармаларидан бири бўлиб, у 1925 йилда Германиянинг биринчи президентининг сиёсий мероси ҳисобланади. Жамғарманинг Тошкентдаги идораси 1997 йилдан буён фаолият кўрсатиб келмоқда. Унинг асосий фаолияти мамлакатнинг барча ҳудудларида сиёсий ва фуқаролик соҳаларини қўллаб-қувватлаш ҳамда ҳуқуқий ислоҳотларни ўтказишга қаратилган.