Академия талабасининг навбатдаги ютуқлари

Академия бакалавриатининг “Тергов фаолияти” йўналиши 1-курс талабаси Шамшод Аманкулов сардорлигидаги “Пойтахт ёшлари” жамоаси Ўзбекистон Республикаси Ёшлар ишлари агентлиги томонидан 2024 йил ноябрида ташкил этилган “Ёшлар ва қонун” кўрик-танловининг республика босқичида ғолибликни қўлга киритди.

Талабамиз бошчилигидаги жамоа танловнинг асосий шартлари, яъни тест синовлари, казуслар ишлаш, қонунчилик ташаббуслари тақдимоти, суд мажлиси модели шартлари бўйича юқори натижаларни кўрсатди.

Халқаро талабалар кунини нишонлаш доирасида Академия раҳбарияти томонидан Ш.Аманкулов танловда ғолибликни қўлга киритгани муносабати билан тақдирланди.