Академия Times Higher Education Interdisciplinary Science Rankings 2025 халқаро рейтингида эътироф этилди

Академия Times Higher Education Interdisciplinary Science Rankings (ISR) 2025 халқаро рейтингига «Репортер» мақоми билан кирди. Ушбу эътироф Академия ютуқларини ва фанлараро илмий тадқиқотларни ривожлантиришдаги ҳиссасини кўрсатади.

Мазкур рейтинг университетларнинг фанлараро илмий тадқиқотларга қўшган ҳиссасини баҳолаш учун махсус ишлаб чиқилган дунёдаги илк рейтинг ҳисобланади. Бу йилги рейтинг 92 давлатдан 749 та университетни қамраб олган бўлиб, бу янги лойиҳа учун рекорд кўрсаткич ҳисобланади. Баҳолаш 11 та аниқ танланган индикаторларга асосланиб, улар илмий лойиҳаларнинг учта асосий босқичини акс эттиради: кириш ресурслари (молиялаштириш ва қўллаб-қувватлаш), жараёнлар (маъмурий инфратузилма ва ҳамкорлик) ва натижалар (нашрлар, тадқиқотлар сифати ва академик нуфуз).

Академиянинг бу рейтингга киритилиши унинг инновацияларга содиқлиги, илмий тадқиқотларни ривожлантиришга интилиши ва турли фанларни бирлаштириш учун платформа яратишини кўрсатади.

«Репортер» мақоми Академиянинг халқаро академик майдондаги ўрнини мустаҳкамлаш йўлидаги муҳим қадамдир. Ушбу ютуқ илмий тадқиқотларнинг сифатини ошириш, халқаро ҳамкорликни кенгайтириш ва фанлараро ёндашувларни шакллантириш учун янги имкониятларни очиб беради, бу эса ҳуқуқни муҳофаза қилиш фаолиятини такомиллаштиришда муҳим аҳамиятга эга.