Ҳуқуқни муҳофаза қилиш академияси ташкил этилганининг икки йиллиги

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Бош прокуратура Академиясининг негизида ташкил этилган.

Академия “Турли тизимлар – ягона ёндашув” тамойили бўйича суриштирув ва дастлабки терговни амалга оширишга ваколатли давлат органлари учун малакали кадрлар тайёрлайдиган ихтисослаштирилган олий таълим ва илмий-тадқиқот муассасаси ҳисобланади.

Қисқа муддат ичида Академияда таълим, илмий-тадқиқот ва эксперт-таҳлил соҳаларининг барча йўналишларида белгиланган вазифаларни тўлиқ амалга ошириш учун зарур салоҳият шакллантирилди.

Академия жамоаси ўз фаолиятини “Қонунга хизмат қилиш йўлида ўқитиш ва ўрганиш” («Et docere et discere servitute legis») шиорига содиқ ҳолда ташкил этадилар ва амалга оширадилар.