Ихтисослаштирилган прокурорлар корпуси ходимлари учун бинар ўқув машғулоти ташкиллаштирилди

Академияда Бош прокурор томонидан ўқув жараёнини прокуратура органларининг касбий фаолияти билан узвий боғлиқлигини таъминлашга оид белгиланган вазифалар ижроси доирасида Ихтисослаштирилган прокурорлар корпусининг туман (шаҳар) прокурорлари ва уларга тенглаштирилган прокурорлари ёрдамчилари ҳамда вилоят прокуратуралари маҳкама ходимлари учун “Юқори инстанция судларида жиноят ишларини кўрилишида прокурор ваколатини таъминлаш масалалари” мавзусида ўтказилаётган малака ошириш курси доирасида бинар ўқув машғулоти ташкил этилди.

Бинар ўқув машғулоти Бош прокуратуранинг Жиноий суд ишларини юритишда прокурор ваколатини таъминлаш бошқармаси прокурори С.Қ.Ахмедов ҳамда Академиянинг кафедра катта ўқитувчиси Б.Р.Ярашов томонидан ўтказилди.

Бинар ўқув машғулотида жиноий суд ишларини юритишда прокурор ваколатларини таъминлашда амалиётда йўл қўйилаётган муаммолар ва уларнинг ечими борасида тингловчиларга тегишли тушунтиришлар берилиб, бугунги кунда йўналиш бўйича белгиланган талаблар ва вазифалар ижроси юзасидан маълумотлар кўрсатилди.

Бинар ўқув машғулоти давомида тингловчилар ўзларини қизиқтирган саволларига жавоблар олдилар.