Таянч докторант ва мустақил изланувчилар учун малакавий имтиҳон ўтказилди

Ўзбекистон Республикаси Ҳуқуқни муҳофаза қилиш академиясининг таянч докторант ва мустақил изланувчилари учун ихтисослик ва чет тили бўйича малакавий имтиҳон ташкил этилди.

Имтиҳон Ҳуқуқни муҳофаза қилиш академияси, Жамоат хавфсизлиги университети, Инсон ҳуқуқлари бўйича Ўзбекистон Республикаси миллий маркази, ИИВ Академияси, Судьялар олий мактаби, ТДЮУ, Ўзбекистон давлат жаҳон тиллари университети ходимларидан иборат таркибда тузилган комиссия томонидан олиб борилди.

Имтиҳонда талабгорларнинг махсус фанлар ва чет тилини билиш даражасини аниқлаш мақсадида ҳамда мамлакатимизда суд-ҳуқуқ соҳасида амалга оширилаётган ислоҳотлар, изланувчилар томонидан олиб бораётган диссертация мавзуси доирасида мавжуд илмий муаммолар ва уларнинг ечимлари хусусида берилган саволларга жавоблар олинди.

Малакавий имтиҳонни муваффақиятли топширган тадқиқотчиларга гувоҳномалар берилди.