Академия “Ёш китобхонлар” клуби талабалари XVI Туркий шеърият фестивалида қатнашдилар

Ҳуқуқни муҳофаза қилиш академиясининг "Ёш китобхонлар" клуби аъзолари Халқаро туркий маданият ташкилоти (ТУРКСОЙ) ҳамкорлигида Ўзбекистон Ёзувчилар уюшмасида ўтказилаётган XVI Туркий шеърият фестивалида фаол иштирок этдилар.

Мазкур фестивал туркий халқлар адабий меросини ўрганиш, қадрлаш ва уни кенг жамоатчиликка танитиш мақсадида ташкил этилган бўлиб, унда Ўзбекистоннинг етакчи ёзувчилари, шоирлари, туркий халқларнинг турли давлатларидан келган меҳмонлар ҳамда адабиёт ихлосмандлари қатнашдилар.

"Ёш китобхонлар" клуби аъзолари ушбу тадбирда иштирок этиб, туркий халқлар адабиётига оид қимматли маълумотларга эга бўлишди. Фестиваль давомида улар машҳур ёзувчи ва шоирлар билан учрашиш, уларнинг ижоди билан яқиндан танишиш имконига эга бўлдилар.

Фестиваль доирасида ўтказилган тадбирлар ёш авлодда адабиётга бўлган қизиқишни ошириш, туркий тил ва маданиятлар ўртасидаги ҳамкорликни янада мустаҳкамлашга хизмат қилди.

Ҳуқуқни муҳофаза қилиш академияси ўзининг "Ёш китобхонлар" клуби аъзоларини шундай нуфузли тадбирларда иштирок этишга рағбатлантириш орқали, ёшлар онгида китобга меҳр уйғотиш ҳамда туркий халқлар маданий ҳамжамиятини янада бойитишга ҳисса қўшишда давом этмоқда.

Ҳуқуқни муҳофаза қилиш академияси “Ёш китобхонлар” клуби китобхонлик маданиятини ривожлантириш, ижодкор ёшларни қўллаб-қувватлаш ва уларнинг дунёқарашини бойитиш мақсадида фаолият юритади.