Энергетика мажмуаси ходимлари малакасини ошириш масалалари муҳокама қилинди

Ҳуқуқни муҳофаза қилиш Академиясида “Тошкент шаҳар электр тармоқлари” ва “Энергиясавдо” МЧЖ ҳамда “Hududgaz Poytaxt” газ таъминоти Тошкент шаҳар ҳудудий филиаллари маъсул ходимлари билан, соҳа ходимларининг малака оширишини масофавий шаклда ташкил этиш бўйича учрашув бўлиб ўтди.

Учрашув давомида томонлар Академиянинг электрон платформаси асосида электр тармоқлари, энергосавдо ва газ таъминоти тизими ходимларининг масофавий малакасини оширишни бўйича ўзаро ҳамкорлик қилиш масалалари муҳокама қилинди.

Хусусан, қисқа вақт ичида “Электр энергетикаси объектларида ходимлар билан ишлашни ташкил этиш қоидалари”, “Электр энергиясидан истеъмолчилар томонидан фойдаланиш қоидалари”, “Газ таъминоти тизими фаолиятини самарали ташкил этиш механизмлари” мавзусидаги модуллар бўйича масофавий курслар ишлаб чиқилиб, амалиётга жорий этилганлиги қайд этилди.

Шунингдек, учрашув давомида масофавий малака ошириш курсларини  ташкил этиш учун Академиянинг электрон платформасида ишлаш ва унинг имкониятлари ҳақида маълумотлар берилди.

Томонлар келгусида ушбу йўналишдаги ишларни ташкил этиш бўйича ҳамкорликни кенгайтириш бўйича келишиб олинди.