Ўзбекистон Республикаси Адвокатлар палатаси билан ҳамкорлик мустаҳкамланмоқда

Ўзбекистон Республикаси Ҳуқуқни муҳофаза қилиш академиясида Ўзбекистон Республикаси Адвокатлар палатаси раиси Ш.Ш.Садиков билан учрашув бўлиб ўтди.

Меҳмон Академия фаолиятининг асосий йўналишлари, прокурор-тергов кадрларни тайёрлаш, қайта тайёрлаш ва малакасини ошириш жараёнида қўлланаётган замонавий таълим методикалари ва илғор ахборот-коммуникация технологиялари, шунингдек Академия таълим инфратузилмаси билан яқиндан танишиб чиқдилар.

Тадбир доирасида Академия ва Адвокатлар палатаси ўртасида ўзаро ҳамкорлик алоқаларини мустаҳкамлаш, қонун устуворлиги ва одил судловни таъминлаш мақсадида салоҳиятли кадрлар тайёрлаш ва уларнинг малакасини оширишга қаратилган фаолиятни ҳамкорликда амалга ошириш ҳамда ўзаро ҳамкорликнинг ҳуқуқий асосларини мустаҳкамлаш мақсадида меморандум ва ҳамкорликдаги чора-тадбирлар режасини имзолашга келишиб олинди.

Ушбу ҳужжат икки томонлама муносабатларни мустаҳкамлаш ва узоқ муддатли ҳамкорлик учун муҳим қадам ҳисобланади.