Ҳуқуқни муҳофаза қилиш академиясида раҳбар кадрларни қайта тайёрлаш курсига қабул эълон қилинади

Ўзбекистон Республикаси Ҳуқуқни муҳофаза қилиш академиясида 2024/2025 ўқув йилида прокуратура органларида раҳбарлик лавозимларини эгаллаш мақсадида захирада турган кадрлар учун касбий қайта тайёрлаш курси учун қабул бошлангани маълум қилинади.

Мазкур танловда прокуратура органларида камида 5 йил иш стажига эга қуйидаги ходимлар иштирок этиши мумкин:

– Бош прокуратуранинг бошқарма ва бўлим бошлиқлари, уларнинг ўринбосарлари;

– Ҳуқуқни муҳофаза қилиш академияси бошлиғи ва ўринбосарлари ҳамда тармоқ раҳбарлари;

– Қорақалпоғистон Республикаси, вилоятлар, Тошкент шаҳар, Ўзбекистон Республикаси Ҳарбий ва Транспорт прокурорлари ҳамда уларнинг ўринбосарлари, соҳалар бўйича катта ёрдамчилар, вилоят прокуратуралари ва уларга тенглаштирилган прокуратураларнинг бўлим бошлиқлари ҳамда уларнинг ўринбосарлари;

– Туман (шаҳар) прокурорлари ва уларга тенглаштирилган прокурорлар ҳамда уларнинг ўринбосарлари;

– Бош прокуратура ҳузуридаги Иқтисодий жиноятларга қарши курашиш департаменти ва Мажбурий ижро бюросининг барча бўғиндаги бошқарма бошлиқлари ва уларнинг ўринбосарлари, бўлим бошлиқлари.

Танловда иштирок этмоқчи бўлган ходимлар жорий йил 12 декабрь кунига қадар тегишлича кадрлар тармоқларига мурожаат қилишлари мумкин.

Ҳуқуқни муҳофаза қилиш академияси