Академияда туман (шаҳар) прокурорлари учун махсус семинар ташкил этилди

Туман ва шаҳар сектор раҳбарлари иштирокида аҳоли муаммоларини аниқлаш ва ҳал этиш тизимининг самарали ишлаши учун масъул раҳбар кадрларнинг билим ва кўникмаларини ошириш бўйича ўқув-амалий семинар доирасида 65 нафар туман (шаҳар) прокурорлари учун Академияда семинар машғулоти ўтказилди.

Тадбирда секторлар кесимида маҳаллаларда учраётган соҳавий муаммолар атрофлича муҳокама қилинди.

Шунингдек, тадбирда секторлар фаолиятини баҳолаш кўрсаткичларига оид назарий ва амалий масалалар юзасидан ўзаро фикр алмашилди.

Бундан ташқари, прокурорлар ҳуқуқни муҳофаза қилиш органлари учун кадрлар тайёрлаш, қайта тайёрлаш ва уларнинг малакасини ошириш юзасидан Академияда жорий этилган таълим дастурлари, шунингдек, киберлаборатория, криминалистик полигон, криминалистик лаборатория, суд имитацияси зали ҳамда бошқа амалий ва симуляцион ўқув машғулотларини ўтказиш имконини берадиган замонавий таълим инфратузилмаси билан таништирилди.

Тадбир якунида иштирокчилар Академияда ташкил этилган Рақамли криминалистика илмий-тадқиқот институти фаолиятига оид тақдимот билан танишдилар.