Ўзбекистон Республикаси Конституциявий суди раиси иштирокидаги Конституция куни байрамига бағишланган туркум тадбирлар сарҳисоби

Ҳуқуқни муҳофаза қилиш академиясида Конституция кунига бағишланган байрам тадбири бўлиб ўтди.

Ушбу байрам тадбирида Ўзбекистон Республикаси Конституциявий суди раиси М.Э.Абдусаломов ва судьяси А.Э.Рахманов, прокуратура фахрийлари, Академия раҳбарияти, ходимлари ва талабалари иштирок этдилар.

Мазкур тадбир Академияда Конституция ойлигида ўтказилган туркум тадбирларнинг якуний қисми бўлди.

Академиянинг талабалари ва тингловчилари иштирокида “Конституция билимдони” танлови, оммавий диктант, илмий мақолалар танлови, Конституция нормалари акс эттирилган видеороликлар, ижодий ишлар ва инфографика танловлари ўтказилди.

Конституциявий суд раиси М.Э.Абдусаломов томонидан танлов ва номинация ғолиблари даражали диплом ва совғалар билан тақдирландилар.

Тадбир доирасида Конституциявий суд билан ҳамкорликда Академияда ташкил этилган Конституция хонасининг очилиш маросими бўлиб ўтди.

Шунингдек “Ҳуқуқни муҳофаза қилиш академияси ахборотномаси” илмий-амалий журналининг Конституцияга оид махсус сони ҳамда Академияда тайёрланган Конституциявий ҳуқуқ дарслиги тақдимоти қилинди.

Тадбир якунида Конституциявий суд ва Академия ўртасида ҳамкорлик давом эттирилиши келишиб олинди.