Анқара Йилдирим Боязид университети Юридик факультети билан ҳамкорлик масалалари муҳокама қилинди

Академия раҳбариятининг Анқара Йилдирим Боязид университети (Туркия) Юридик факультети декани, профессор Неслихан Караташ ҳамда университет профессори Самет Татар билан учрашуви бўлиб ўтди.

Учрашувда томонлар ўртасида ўзаро ҳамкорликни янада мустаҳкамлаш, шу жумладан академик алмашинув, истиқболли лойиҳаларни ишлаб чиқиш, қўшма тадқиқотларни амалга ошириш ва Академиянинг илмий-таълим салоҳиятини мустаҳкамлашга қаратилган ташаббусларни амалга ошириш масалалари муҳокама қилинди.

Ташриф доирасида меҳмонлар Академиянинг янги биноси ва ўқув инфратузилмаси билан яқиндан танишиб чиқишди.