Ҳуқуқни муҳофаза қилиш академияси ва Япониянинг JICA ташкилоти томонидан Йўл ҳаракати хавфсизлиги лойиҳаси амалга оширилмоқда

Ҳуқуқни муҳофаза қилиш академияси ва Япониянинг JICA ташкилоти томонидан Йўл ҳаракати хавфсизлиги лойиҳаси амалга оширилмоқда. Лойиҳа доирасида 2025 йил март-апрель ойларида Тошкент ва Янгийўл шаҳрида ўқув муассасалари олдида йўл инфратузилмасини такомиллаштириш режалаштирилган.

Қурилиш ишлари доирасида мактаблар олдидаги тезликни камайтириш учун махсус йўл қопламаларини ўрнатиш, янги йўл чизиқларини чизиш ва мактаб ҳамда пиёдалар ўтиш жойлари яқинида автотранспорт воситаларини тўхтатишнинг олдини олишга қаратилган йўл жиҳозларини ўрнатиш каби вазифалар бажарилади.

Юқоридаги ишларни бажариш бўйича тажрибага эга қурилиш ташкилотлари мазкур тендерда иштирок этишга таклиф этилади. Танловда иштирок этиш учун аризаларни қабул қилишнинг сўнгги муддати 2025 йил 10 январь куни соат 18:00 гача. Қўшимча маълумот учун қуйидаги телефон рақамига мурожаат қилинг: 712020496 (1774), 934102610, 957504545