БМТнинг Гиёҳвандлик ва жиноятчилик бўйича бошқармаси Жиноятларнинг олдини олиш ва жиноий адолат масалалари бўйича координатори билан учрашув

Ўзбекистон Республикаси Ҳуқуқни муҳофаза қилиш академиясида БМТнинг Гиёҳвандлик ва жиноятчилик бўйича бошқармаси (UNODC) Жиноятларнинг олдини олиш ва жиноий адолат масалалари бўйича координатори Алина Тимуш хоним билан учрашув ўтказилди.

Учрашувда томонлар ўзаро ҳамкорликни янада мустаҳкамлаш, шу жумладан Марказий Осиё ва Жанубий Кавказ мамлакатлари учун халқаро-ҳуқуқий ҳамкорлик тармоғи (CASC) доирасида ҳамкорликни кучайтириш, истиқболли қўшма лойиҳаларни ишлаб чиқиш, ўқув тренинглар ва курсларни ташкил этиш, шунингдек минтақавий даражада ҳуқуқни муҳофаза қилувчи органларнинг салоҳиятини оширишга қаратилган ташаббусларни амалга ошириш масалаларини муҳокама қилдилар.

Ташриф доирасида меҳмонлар Академиянинг янги бинолари ва замонавий таълим инфратузилмаси имкониятлари билан яқиндан танишдилар.