Ходимлар илмий салоҳиятини юксалтиришга қаратилган ҳудудий семинар ўтказилди

Ҳуқуқни муҳофаза қилиш академияси томонидан Ўзбекистон Республикаси Президентининг 2023 йил 31 майдаги “Мамлакатимизда қонун устуворлиги ва прокуратура органларининг аҳоли билан янада яқин ҳамкорлигини таъминлашда ходимларнинг маънавий-интеллектуал салоҳиятини юксалтириш бўйича қўшимча чора-тадбирлар тўғрисида”ги ПҚ–170-сон Қарори ижросини тўлақонли таъминлаш мақсадида изчил ишлар амалга оширилмоқда.

Академия бошлиғининг ўринбосари М.М.Мамасиддиқов томонидан Андижон вилоят прокуратурасида мазкур қарорнинг мазмун-моҳияти, шунингдек унинг ижросини таъминлаш бўйича амалга оширилаётган ишлар юзасидан ходимлар хабардорлигини оширишга қаратилган семинар ўтказилди.

Семинар ишида вилоят прокуратураси, шунингдек туман (шаҳар) прокуратуралари ходимлари (онлайн) иштирок этдилар.

Тадбир давомида шунингдек  Ҳуқуқни муҳофаза қилиш академиясининг илмий ва таълим фаолияти, илмий-тадқиқот ишларини олиб бориш учун яратилган имкониятлар ҳамда шароитлар, шунингдек илмий-тадқиқот ишларини амалга ошириш тартиби ва талаблари иштирокчиларга атрофлича тушунтирилди.