ЕХҲТнинг Ўзбекистондаги лойиҳалари координатори билан учрашув

Ўзбекистон Республикаси Ҳуқуқни муҳофаза қилиш академиясида Европада хавфсизлик ва ҳамкорлик ташкилотининг Ўзбекистондаги лойиҳалари координатори, элчи Антти Карттунен бошчилигидаги ЕХҲТ вакиллари билан учрашув ўтказилди.

Учрашувда ЕХҲТ билан келгуси йилларга мўлжалланган ҳамкорлик истиқболлари ва йўл харитаси, шу жумладан трансмиллий жиноятлар, коррупция, жиноий фаолиятдан олинган даромадларни легаллаштириш, одам савдоси ва кибержиноятларга қарши курашиш бўйича салоҳиятни ошириш ва қўшма лойиҳаларни амалга ошириш масалалари муҳокама қилинди.

Самарали ва мазмунли руҳда ўтган мулоқотда тарафлар белгиланган ташаббусларни амалга оширишга кўмаклашиш ва қўшма лойиҳалар доирасида ҳамкорликни фаол қўллаб-қувватлашга тайёр эканликларини билдириб ўтдилар.