Ахборот-кутубхона базаларидан фойдаланиш бўйича семинар ўтказилди

Ҳуқуқни муҳофаза қилиш академияси томонидан ҳуқуқни муҳофаза қилиш фаолиятининг долзарб масалалари бўйича илмий-тадқиқот  ишларини ривожлантириш мақсадида кутубхона технологияларини модернизациялаш, ахборот ресурсларини интеграциялаш бўйича тизимли ишлар олиб борилмоқда.

Мазкур ишлар доирасида Академия Ахборот-ресурс марказида бир нечта миллий ва халқаро ахборот-кутубхона базаларига уланиш таъминланган. Ўз навбатида, фойдаланувчилар томонидан ушбу базалардан самарали фойдаланишни таъминлаш мақсадида марказ томонидан мунтазам равишда ўқув семинарлари ташкил этилмоқда.

Мазкур туркум семинарлар доирасида магистратура тингловчилари учун ахборот-кутубхона базаларидан фойдаланиш имкониятлари ҳақида навбатдаги тадбир бўлиб ўтди.

Семинар давомида талабаларга халқаро илмий базаларга кириш, маълумотларни излаш ва улардан самарали фойдаланиш борасида батафсил йўриқномалар берилди.

Тадбир тингловчиларнинг илмий-тадқиқот фаолиятида ахборот манбаларидан тўғри ва самарали фойдаланиш кўникмасини шакллантиришга қаратилган бўлиб, уларнинг интеллектуал ва касбий ривожланишига ҳисса қўшишга йўналтирилган.

Ахборот-ресурс маркази бундай семинарларни келгусида ҳам ўтказишни режалаштириб, фойдаланувчиларга янгича имкониятлар тақдим этишда давом этади.