"Жиноятчиликка қарши курашишнинг социологик жиҳатлари" мавзусидаги семинар

Жорий йилнинг 9 ноябрь куни Ўзбекистон Республикаси Бош прокуратураси Академиясида ҳуқуқ социологияси мутахассиси – Таллин Университети Ҳуқуқ мактаби катта илмий ходими Абель Полесе иштирокида жиноятчиликка қарши курашишнинг социологик жиҳатларига бағишланган семинар бўлиб ўтди. 

Мазкур тадбир “Буюк келажак” Халқаро нодавлат нотижорат ташкилоти кўмагида Академиянинг хорижий таълим муассасалари билан ҳамкорликни янада ривожлантириш, шунингдек, Ўзбекистон Республикаси Президентининг 2018 йил 31 октябрдаги ПФ-5566-сон Қарорига мувофиқ Академия тузилмасида ташкил этилган Жиноятларнинг содир этилиши сабабларини тизимли таҳлил қилиш ва ўрганиш маркази имкониятларини мустаҳкамлашга қаратилган ишлар доирасида ташкил этилди.

Семинарда Академия профессор-ўқитувчилари ҳамда жиноятчиликнинг олдини олиш ва профилактика қилиш соҳасида фаолият кўрсатувчи мутахассислар иштирок этишди.

Тадбир иштирокчилари жиноятчиликка қарши курашиш ва унинг олдини олиш бўйича самарали чораларни қўллашда социологик омилнинг муҳимлигини алоҳида таъкидладилар.