“Тезкор-қидирув фаолияти ва жиноят процессида шахснинг ҳуқуқ ва эркинликларини таъминлашнинг долзарб масалалари” илмий-амалий конференцияси

Ҳуқуқни муҳофаза қилиш академиясида “Тезкор-қидирув фаолияти ва жиноят процессида шахснинг ҳуқуқ ва эркинликларини таъминлашнинг долзарб масалалари” мавзусида республика илмий-амалий конференцияси ташкил этилди.

Тадбирдан кўзланган мақсад – ҳуқуқни муҳофаза қилиш соҳасида долзарб бўлган масалаларни илмий ва амалий нуқтаи назардан муҳокама қилиш, уларни таҳлил этиш ва ечимлар ишлаб чиқишдан иборат.

Конференция ишида ҳуқуқни муҳофаза қилиш органлари ходимлари, олимлар, экспертлар ва илмий жамоатчилик вакиллари бир платформада учрашиб, билим ва тажриба алмашдилар, бу эса ушбу тадбирнинг илмий-тадқиқот ва амалий соҳаларни уйғунлаштириш борасидаги аҳамиятини белгилаб беради.

Тадбир иштирокчилари мазкур конференция нафақат илмий жамоатчилик, балки ҳуқуқни муҳофаза қилиш органлари ва давлат идоралари фаолияти учун муҳим аҳамиятга эга бўлиб, соҳа фаолиятини янада такомиллаштиришга хизмат қилишини таъкидладилар.

Конференция доирасида шахс ҳуқуқларини ҳимоя қилиш ва ҳуқуқий тизимни такомиллаштириш бўйича янги ғоялар, илмий ечимлар ҳамда амалий ёндашувларга оид маърузалар тингланди.

Бундай мулоқот нафақат назарий ёндашувларни амалга татбиқ этишга, балки жиноятчиликка қарши кураш самарадорлигини оширишга хизмат қилади.