Академия талабалари ижодий кечада иштирок этишди

Ҳуқуқни муҳофаза қилиш академиясининг “Ёш китобхонлар” клуби аъзолари Ўзбекистон Ёзувчилар уюшмаси томонидан ташкил этилган “Хиёбон оқшомлари” ижодий кечасида иштирок этдилар.

Мазкур тадбир ёшларда адабиётга қизиқиш уйғотиш, ижодий салоҳиятларини қўллаб-қувватлаш ҳамда маданий меросни улуғлаш мақсадида ташкил этилди.

Тадбирда Академия талабалари фаол иштироки этдилар, улар ўзларининг ижодий чиқишлари, шеърий тўпламларни ўқишлари билан ҳамда муаллифлар билан суҳбат орқали тадбирга алоҳида жозиба бағишлашди.

Бундай маданий-маърифий тадбирларда иштирок этиш Академия талабалари учун маънавий баркамоллик сари қадам бўлибгина қолмай, балки ижодий ва касбий кўникмаларни ривожлантириш имкониятини ҳам беради.