Танлов натижалари эълон қилинади

Ўзбекистон Республикаси Ҳуқуқни муҳофаза қилиш академияси томонидан эълон қилинган “Энергия ресурслари (электр энергияси ва табиий газ) дан фойдаланишда ҳуқуқбузарликларнинг олдини олиш ҳамда соҳада самарали назоратни ташкил этишда инновацион ёндашувлар” танлови якунланди.

Танлов учун тақдим этилган ишларни баҳолаш учун танлов комиссияси тузилиб, ишлар шифрланган ҳолда комиссия аъзолари томонидан тегишли баҳолаш мезонлари асосида кўриб чиқилди.

Баҳолаш натижаларига кўра, 2 нафар талабгор: Наманган муҳандислик-қурилиш институти 4-босқич талабаси И.Назаров ва  Ҳуқуқни муҳофаза қилиш академияси “Тергов фаолияти” магистратура мутахассислиги тингловчиси Н.Асқаров ғолиб деб топилди.

Изоҳ: танлов натижаларидан норози бўлган талабгорларга натижалар эълон қилинган кундан кейинги иш куни давомида Академия бошлиғи номига апелляция шикоятини n.azizov@proacademy.uz электрон почтаси орқали бериш ҳуқуқи мавжудлиги маълум қилинади.