Академия Кенгашининг навбатдаги мажлиси ўтказилди

Ҳуқуқни муҳофаза қилиш академияси Кенгашининг навбатдаги мажлиси бўлиб ўтди.

Мажлисда Академиянинг 2024 йилдаги фаолияти натижалари муҳокама қилинди, эришилган натижалар баробарида амалга оширилиши лозим бўлган устувор вазифалар белгиланди.

Тадбир давомида Академиянинг бир гуруҳ ходимлари навбатдаги аттестациядан ўтказилди.

Шу билан бирга, Академияга жорий йилнинг III чораги учун мустақил изланувчиликка ҳамда таянч докторантурага тавсия этилган тадқиқотчиларнинг диссертация мавзулари, уларнинг илмий раҳбарлари ва бириктириладиган тармоқлар тасдиқланди.

Мажлисда шунингдек Академия профессор-ўқитувчилари ҳамда тадқиқотчилари томонидан тайёрланган илмий адабиётларни нашрга тавсия этиш масаласи муҳокама қилинди, шунингдек бир неча ходимлар илмий унвонга тавсия этилди.

Мажлис кун тартибидаги барча масалалар бўйича тегишли қарорлар қабул қилинди.