“Терроризм ва экстремизмга оид жиноятларни тергов ва квалификация қилиш масалалари” мавзусида малака ошириш курси бошланди

Ҳуқуқни муҳофаза қилиш Академиясида Давлат хавфсизлиги хизмати терговчилари учун “Терроризм ва экстремизмга оид жиноятларни тергов ва квалификация қилиш масалалари” мавзусида малака ошириш курси ташкил этилди.

Ўқув курси машғулотлари давомида Терроризм ва экстремизмга оид жиноятлар юзасидан ўтказиладиган тергов ҳаракатлари, тергов жараёнида рақамли қурилмаларда сақланаётган маълумотларни тўғри расмийлаштириб олиш, интернет ижтимоий тармоқларида ўчирилган маълумотларни қайта тиклаш, шахсни идентификация қилишда қўлланиладиган замонавий криминалистик техник воситалардан фойдаланиш мавзуларида зарур билимлар берилади.

Шунингдек, ўқитиш давомида Академия профессор-ўқитувчилари томонидан берилган назарий билимларни бойитиш мақсадида бир қатор ташкилот ва муассасаларда сайёр ўқув машғулотлари ўтказиш орқали амалий кўникмаларини шакллантириш режалаштирилган.