Академия магистратураси тингловчилари Олий Мажлис Қонунчилик палатасига ташриф буюришди

Олий Мажлис Қонунчилик палатаси фаолияти билан яқиндан танишиш, қонун ижодкорлиги жараёнлари ҳақида чуқур билимга эга бўлиш мақсадида Ҳуқуқни муҳофаза қилиш академияси магистратураси тингловчилари парламентнинг қуйи палатасига ташрифни амалга оширишди.

Тадбир мобайнида тингловчилар қонун ҳужжатларини тайёрлаш, муҳокама қилиш ва қабул қилишнинг асосий босқичлари билан алоҳида танишиш имкониятига эга бўлишди. Шунингдек, Қонунчилик палатаси аъзолари томонидан тингловчилар палатанинг тузилиши, вазифалари ва ваколатлари ҳақида маърузалар ташкил этилиб, парламентнинг қонун устуворлиги ва ҳуқуқ-тартиботни таъминлашдаги роли тўғрисида батафсил маълумотлар беришди.

Тингловчилар қонунчилик жараёнининг амалий жиҳатлари, қонунлар ижросини мониторинг қилиш механизмлари ва Қонунчилик палатасининг бошқа давлат органлари билан ўзаро ҳамкорлиги юзасидан саволлар билан бериш орқали тадбирда фаол иштирок этишди. Шу билан биргаликда парламент биноси бўйлаб экскурсия ҳам ташкил этилиб, унда иштирокчилар амалда депутатлар, қўмиталар ва палата ходимларининг иш фаолияти билан яқиндан танишиш имкониятига эг бўлишди.

Мазкур тадбир давомида олинган билимлар бўлажак мутахассислар ўртасида қонунчилик жараёни тўғрисидаги чуқур билим ва тушунчаларни шакллантиришга ёрдам беради ҳамда уларда ҳуқуқий нормаларни таҳлил қилиш кўникмаларини янада мустаҳкамлашда муҳим аҳамият касб этади.