Талабалар касбий кўникмаларини ривожлантириш бўйича амалий семинар ўтказилди

Академияда “Дуал таълим тизимида битирувчиларда замонавий кўникма ва малакаларни шакллантириш масалалари” мавзусида амалий семинар ўтказилди.

Мазкур семинарда Ўзбекистон Республикаси Ички ишлар вазирлиги, Миллий гвардия, Тошкент шаҳар ва Тошкент вилояти Ички ишлар Бош бошқармаларининг кадрлар билан ишлашга масъул ходимлари иштирок этди.

Тадбир давомида Академия бакалавриатининг “Ҳуқуқбузарликлар профилактикаси ва жамоат хавфсизлигини таъминлаш” бакалавриат таълим йўналиши битирувчи 3-курс талабалари учун дуал таълим тизими асосида иш ўрганиш амалиётини ташкил этиш масалалари кўриб чиқилди.

Дуал таълим тизими асосида ташкил этиладиган амалиёт давомида талабаларга ҳуқуқбузарликлар профилактикаси ва жамоат хавфсизлигини таъминлаш фаолиятида процессуал ҳужжатларни расмийлаштириш, куч ишлатиш, махсус воситалар ва ўқотар қуролларни қўллаш бўйича кўникмаларни ривожлантиришга асосий эътибор қаратилди.