ИИВ Жамоат хавфсизлиги департаменти Йўл ҳаракати хавфсизлиги хизмати ситуацион марказида сайёр машғулот

Ўзбекистон Республикаси Ҳуқуқни муҳофаза қилиш академияси магистратураси тингловчиларининг Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматига ташрифи ташкил этилди.

Йўл ҳаракати хавфсизлиги хизмати ходимлари иштирокида магистратура тингловчилари йўл ҳаракати хавфсизлигини таъминлаш борасидаги ишлар, мазкур фаолиятда замонавий ахборот технологиялари ва рақамли мониторинг тизимларининг қўлланилиши билан танишдилар.

Ташриф давомида тингловчиларга ситуацион марказнинг асосий вазифалари, замонавий кузатув технологиялари, интеллектуал транспорт тизимлари ҳамда йўл ҳаракати назоратини такомиллаштириш бўйича янгиликлар ҳақида батафсил маълумотлар тақдим этилди. Шунингдек, улар амалиётда фойдаланилаётган рақамли платформалар ва мониторинг тизимларининг ишлаш жараёни билан танишдилар.

Магистратура тингловчилари марказ фаолиятига катта қизиқиш билдириб, йўл ҳаракати хавфсизлигини таъминлашга қаратилган инновацион ёндашувлар ҳақида саволлар билан мутахассисларга мурожаат қилишди.

Ушбу сайёр машғулот тингловчиларда назарий билимлар ва амалий кўникмаларни шакллантириш, соҳадаги илғор тажрибаларни ўрганиш асосида келажакдаги иш фаолияти учун зарур бўлган компетенцияларни шакллантиришга хизмат қилади.