Академия талабаси дзюдо мусобақаларида юқори ўрин эгаллади

Академияда талабаларни касбий тайёргарлиги бўйича билим, кўникма ва малакаларини шакллантириш ва шу билан бирга спортга бўлган қизиқишини ривожлантириш, уларни келгуси хизмат фаолиятига тайёрлашга алоҳида эътибор берилмоқда.

Ўзбекистон Республикаси Вазирлар Маҳкамасининг 25.10.2018 йилдаги “Ўқувчи ва талаба ёшлар ўртасида ўтказиладиган республика спорт мусобақалари тизимини янада такомиллаштириш тўғрисида”ги 864-сон Қарорига асосан спорт мусобақаларини ўтказиш бўйича Ташкилий қўмитанинг низомига мувофиқ Академия талабалари спорт турлари бўйича туман, шаҳар ва республика босқичларида мунтазам равишда иштирок этиб келмоқдалар.

Академия бакалавриат босқичининг талабалари олий таълим муассасалари ўртасида жорий йилнинг 6 февраль куни ўтказилган "Универсиада-2024" спорт мусобақасининг дзюдо тури бўйича  шаҳар саралаш босқичида “Тергов фаолияти” йўналиши 2-курс рус гуруҳи талабаси Мирсагатов Бобур Акбарович +100 кг вазнда 3-ўрин соҳиби бўлди ва дзюдо федерацияси томонидан диплом билан тақдирланди.