ЕU-AСТ дастури минтақавий координатори билан учрашув

Ҳуқуқни муҳофаза қилиш академиясида 2025 йил 24 февраль куни ЕU-АСТ дастури (Европа Иттифоқининг уюшган жиноятчилик ва терроризмга қарши кураш ҳаракати) Марказий Осиёдаги минтақавий координатори Каспарс Вальпетерис билан учрашув бўлиб ўтди.

Дастур Европа Иттифоқи молиявий кўмагида аъзо давлатлар консорциуми томонидан амалга оширилаётган бўлиб, у ҳамкор давлатларга уюшган жиноятчилик ва терроризмга қарши кураш бўйича кўмак кўрсатиш шунингдек, трансрегионал ва минтақавий ҳамкорлик механизмларини яхшилашга қаратилган.

Учрашувда ўзаро ҳамкорликни ривожлантириш ва янада кенгайтириш, минтақавий ва икки томонлама лойиҳаларни амалга ошириш, уюшган жиноятчилик ва терроризмга қарши кураш бўйича салоҳиятни оширишга қаратилган ташаббуслар муҳокама қилинди.