Заҳириддин Муҳаммад Бобурнинг маданий ва тарихий меросига бағишланган тадбир

Академияда буюк мутафаккир, шоир ва давлат арбоби, Бобурийлар сулоласи асосчиси Заҳириддин Муҳаммад Бобур таваллудининг 542-йиллигига бағишланган маънавий-маърифий тадбир ўтказилди.

Тадбирда Ўзбекистон ва Қорақалпоғистон халқ артисти Муҳаммадали Абдуқундузов, Академия ходим ва талабалари иштирок этдилар.

Таниқли санъат арбоби сўзга М.Абдуқундузов ўзининг мазмунли чиқишида Заҳириддин Муҳаммад Бобур ҳаёти ва ижоди, давлатчилик шаклланишидаги тутган ўрни ҳамда дунё илм-фан тараққиётига қўшган таҳсинга сазовор ҳиссаси борасида фикр юритди.

Академия талабалари иштирокида Заҳириддин Муҳаммад Бобур қаламига мансуб ғазал ва рубоийлардан иборат шеърхонлик, шунингдек мавзуга оид саҳна кўринишлари намойиш этилди.

Тадбир давомида шунингдек викторина ўтказилди ва унда фаол иштирок этган ғолиб талабалар муносиб тақдирланди.