“Жадидчилик тафаккурида миллий тараққиёт ва маънавий юксалиш масалалари” тадбири ўтказилди

Ўзбекистон Республикаси Ҳуқуқни муҳофаза қилиш академиясида талабаларда ватанпарварлик, масъулият ва дахлдорлик туйғуларини ривожлантириш, уларнинг дунёқараши ҳамда маънавий юксалишида жадидчилик фалсафасининг аҳамияти борасидаги билимларини мустаҳкамлаш мақсадида “Жадидчилик тафаккурида миллий тараққиёт ва маънавий юксалиш масалалари” маънавий-маърифий тадбири ўтказилди.

Тадбирда “Қатағон қурбонлари хотираси” музейи катта илмий ходими, тарих фанлари бўйича фалсафа доктори Бахром Ирзаев, Бош прокуратура бошқарма прокурори Сирожиддин Сапарбаев, Қурбонбоев, Академия ходимлари ва талабалари иштирок этдилар.

Иштирокчиларга жадид маърифатпарварлиги фалсафасининг миллий юксалиш ҳамда инсон маънавий тараққиётида тутган ўрни ҳақида батафсил маълумотлар тақдим этилди.

Тадбир доирасида шунингдек жадидчилик ғоялари ва фалсафасини талаба-ёшлар ўртасида кенг тарғиб қилиш ҳамда ҳар томонлама мукаммал ўрганилишини таъминлаш мақсадида “Жадидлар: миллий ўзлик, истиқлол ва давлатчилик ғоялари” мавзусида талабалар ўртасида ўтказилган иншолар танлови ғолиблари рағбатлантирилди.

Тадбир иштирокчилари мавзу юзасидан саволларига батафсил жавоблар олдилар.