Жиноий фаолиятдан олинган даромадларни легаллаштириш ва терроризмни молиялаштиришга қарши курашиш соҳасида малака ошириш курси якунланди

Ҳуқуқни муҳофаза қилиш академиясида “Жиноий фаолиятдан олинган даромадларни легаллаштириш ва терроризмни молиялаштиришга қарши курашиш масалалари” мавзусида ташкил этилган малака ошириш курси якунланди.

Мазкур курсда республика тижорат банкларининг ички назорат хизматлари ходимлари малака оширдилар.

Малака ошириш курси дастури доирасида ўтказилган ўқув машғулотлари тингловчиларнинг жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш бўйича қонунчилик, хорижий валютадаги операциялар борасида қонунчилик талаблари, криптовалюталар билан боғлиқ билим ва кўникмаларини такомиллаштиришга йўналтирилган.

Курс натижаси бўйича тингловчиларга белгиланган тартибдаги сертификатлар тақдим этилди.