Қозоғистон Республикаси И.Жансугуров номидаги Жетису давлат университети делегацияси ташрифи

Ўзбекистонда бўлиши давомида Қозоғистон Республикаси И.Жансугуров номидаги Жетису давлат университети ректори Е.А.Бурибаев бошчилигидаги делегациянинг Ҳуқуқни муҳофаза қилиш академиясига танишув ташрифи амалга оширилди.

Академия раҳбарияти билан учрашув давомида томонлар истиқболдаги режалар, хусусан келгусида ҳамкорлик келишувини имзолаш, илмий ва таълим йўналишида ўзаро тажриба алмашиш, қўшма тадқиқотларни амалга ошириш, академик мобиллик ҳамда талабалар алмашинувини йўлга қўйиш, ходимларнинг малакасини ошириш ва стажировкаларни ташкиллаштириш, халқаро грантлар доирасида тадбирлар ташкил қилиш масалалари муҳокама қилинди.

Шунингдек, хорижий делегация Академия фаолиятининг асосий йўналишлари, шу жумладан прокуратура ва тергов органлари ходимларини тайёрлаш, қайта тайёрлаш ва малакасини ошириш,илғор технологиялар ва ёндашувлар асосида таълим жараёнини ташкил этиш масалалари, замонавий ўқув инфраструктураси, профессор-ўқитувчилар, талаба ва тингловчиларга яратилган шароитлар билан яқиндан таништирилди.