“Кутубхоналар ва рақамли трансформация: янги даврда ахборот хизмати” мавзусида семинар ўтказилди

Ўзбекистон Республикаси Ҳуқуқни муҳофаза қилиш академиясида “Кутубхоналар ва рақамли трансформация: Янги даврда ахборот хизмати” мавзусида илмий-амалий семинар бўлиб ўтди.

Тадбирда Алишер Навоий номидаги Ўзбекистон Миллий кутубхонаси, Муҳаммад ал-Хоразмий номидаги Тошкент ахборот технологиялари университети, "E-LINE PRESS" масъулияти чекланган жамияти вакиллари, Академия профессор-ўқитувчилари мустақил изланувчилар ҳамда таянч докторантлар иштирок этди.

Семинар доирасида замонавий кутубхоналарда техник таъминот талаблари ва ечимлари, сунъий интеллект технологияларининг ривожланиши, кутубхона тизимларида фойдаланувчига йўналтирилган хизматларни яратиш вазифалари каби долзарб мавзулар муҳокама қилинди. Тадбир иштирокчилари соҳадаги муаммолар ва уларни ҳал этиш йўллари юзасидан фикр алмашиб, илғор тажрибалар билан ўртоқлашдилар.