Академияда очиқ эшиклар куни ўтказилди

Ҳуқуқни муҳофаза қилиш академияси – прокуратура ҳамда суриштирув ва тергов фаолиятини амалга ошириш ваколатига эга давлат органлари учун малакали кадрлар тайёрлашга масъул ягона ихтисослаштирилган олий таълим ва илмий-тадқиқот муассасаси бўлиб, ўз фаолиятини очиқ ва шаффоф амалга оширади. Жамоатчилик учун мунтазам равишда тадбирлар, учрашувлар ташкил этилмоқда.

14 март куни Тошкент вилояти Паркент тумани ўрта умумтаълим мактабларнинг битирувчилари учун навбатдаги Очиқ эшиклар куни ўтказилди.

Иштирокчилар учун тақдимот ташкил этилиб, Академия бакалавриатига қабул ва ўқув жараёнини ташкил этишнинг ўзига хос жиҳатлари ва афзалликлари бўйича батафсил ахборот берилди.

Академия ўқув биноларида экскурсия жараёнида меҳмонлар замонавий таълим инфраструктураси билан таништирилди.

Меҳмонларга академияда таълим олиш имкониятлари, кириш синовлари ва талабалар таълим олиши ва тадқиқот олиб бориши учун учун яратилган қўлайликлар тўғрисида батафсил маълумот берилди.

Хусусан, Академияга қабул қилишда абитуриентларнинг муайян тоифаларига республиканинг бошқа олий таълим муассасаларига кириш учун қонунчилик ҳужжатларида назарда тутилган имтиёзлар татбиқ этилмайди.

Академия битирувчилари ваколатли давлат органларига хизматга қабул қилинганда фақат офицерлар таркибига кирувчи ёки даражали унвон берилиши кўзда тутилган лавозимларга тайинланади.

Иштирокчилар Академия бакалавриатига қабулни ва таълим жараёнларини ташкил этиш тартибига оид саволларига атрофлича жавоблар олишди.